又再開箱分享手錶，今次係PATEK PHILIPPE 5711…
我都想😆
之前Tiffany Blue 有幾熱應該唔洗多講，攪到一隻好普通既 OP 藍面都由幾萬炒到十幾廿萬，最癲價好似成三十個，真係你買埋我嗰份。
又覺得我葡萄既朋友請自行到錶舖睇睇實錶，除咗人云亦云話點值呢個價位同埋PP Tiffany Blue既熱潮之外，自己不妨認真睇睇個造工同個樣，自行判斷值唔值啦。（題外話，依家ROLEX個炒風都好似開始冷卻咗好多）
話雖如此，當時 Tiffany Blue 熱潮都令我身邊既人為之著迷，係，又係姐夫，有次傾開錶經，佢就開心分享咗隻PP 既 5711 。。。咦，第一眼睇真係似足隻PP，但係睇真啲，原來品牌係 Borel。真心唔認識呢個品牌，再加上感覺上實在係抄足 PP，當時都係得個知字，睇吓就算。 坦白講，買 Tiffany Blue 錶面既錶，何解唔去返Tiffany 買？ 🤔
如是者又過幾日，突然收到個whatsapp，正正係呢隻錶既介紹，下面仲保咗句 『靚喎，6千幾』。聰明既你應該估到，作為男人既行動：訂啦。
講返隻錶，睇介紹，係Borel既復古系列 N0404G0B-MS6S 既Tiffany Blue 錶面，限量 180 隻，價錢大約七千。還可以吧。
我大約係八月頭收到剛剛話既Whatsapp 就去訂，八月中至尾已經有貨喇。
去拎錶當日，入到舖已經有好多其他錶友等拎呢款錶，仲有幾位已經即場好開心咁戴上手傾自己嗰隻既編號等等。
開箱啦～ 連個盒都係Tiffany Blue，裡面都係啲保用證，說明書呢啲
登登登凳！PP 5711 Borel Retro Collection Tiffany Blue，好似只係轉咗錶面顏色，機芯係SW200，日期喺 3 點位置，透底。訂既時候我無指明要咩編號，收到既係 46 。
再黎多啲Details，似唔似。。。先。。。😆
後記，錶其實無乜大問題 / 大驚喜，而因為都係買俾我女人，佢都要出現去調返錶帶長度，無奈香港普遍店舖地方有限，而客人太多，佢對是次拎錶既UX不太正面。除此之外，都OK啦。
PP 5711 Borel Retro Collection Tiffany Blue開心分享鉛筆✏️
Hoting.life 